డామిట్.. అడ్డం తిరిగిన ఆఫీసర్ ‘కథ’!

అసలే ‘ఆఫీసర్’ సినిమా ఎన్నో వివాదాల చుట్టూ నలిగిపోతోంది. శ్రీరెడ్డి వ్యవహారంలో వర్మ తలదూర్చడంతో జనాల నుంచి పూర్తి వ్యతిరేకత నెలకొనడం, ‘వైటీ ఎంటర్‌టైన్స్‌మెంట్స్’తో లావాదేవీల వివాదం కారణంగా వాయిదా పడటం.. వంటి ఇష్యూలతో ఈ చిత్రం సతమతవుతోంది. ఇది చాలదన్నట్లుగా లేటెస్ట్‌గా మరో వివాదం తలమీదొచ్చి పడింది.

ఈ సినిమా కథ తనదేనని రచయిత జయకుమార్ బాంబ్ పేల్చాడు. తన కథను తీసుకున్న వర్మ.. కంపెన్సేషన్‌తోపాటు క్రెడిట్ కూడా ఇస్తానని చెప్పాడని.. కానీ అలా చేయకుండా తనకు మోసం చేశాడని ఆ రైటర్ ఆరోపించాడు. ఈ మేరకు మీడియాకు ఓ లేఖ కూడా విడుదల చేశాడు. తాను వర్మపై న్యాయపోరాటం చేసేందుకు సిద్ధమవుతున్నట్లు పేర్కొన్నాడు. ‘సర్కార్-3’ వివాదం చెలరేగడానికి ముందే తాను ‘ఆఫీసర్’ కథని వర్మకి మెయిల్ చేశానని.. మధ్యలో కొన్ని మార్పులు కూడా చేసి మళ్ళీ పంపించానని వెల్లడించాడు. ‘ఆఫీసర్’ ప్రొడక్షన్ టైంలో తనకు కంపెన్సేషన్ క్రెడిట్ ఇస్తానని వర్మ హామీ ఇచ్చాడని.. కానీ ఆ మాట అతను తప్పాడని జయకుమార్ పేర్కొన్నాడు.

తన కథను కాపీ కొట్టడంతోపాటు క్రెడిట్ కూడా ఇవ్వకపోవడం బాధాకరమన్నాడు. అనుమతి లేకుండా తన హక్కులను వర్మ ఉల్లంఘించాడని.. తన సినీ భవిష్యత్తును వర్మ దెబ్బతీశాడని.. ఈ వివాదంలో తనకు ఇండస్ట్రీ పెద్దలందరూ న్యాయం చేయాలని కోరాడు. కాగా.. ‘సర్కార్-3’ కథ విషయంలోనూ ఈ ఇద్దరి మధ్య ఇలాగే గొడవ జరిగింది. ఇప్పుడు ఆ కేసు హైదరాబాద్ కోర్టు పరిధిలో ఉంది.

Related posts:
‘నాన్నకు ప్రేమతో’ ఫస్ట్ వీకెండ్ కలెక్షన్స్
మెడికో ప్రాణాలు తీసిన ర్యాగింగ్ భూతం
పబ్లిక్ ఫంక్షన్‌లో తాప్సీ చీరలాగి వేధించిన ఆకతాయి
వామ్మో.. మంచివిష్ణు భార్య వెరోనికా ఫ్లాష్‌బ్యాక్ తెలిస్తే షాకే! (వీడియో)
మళ్ళీ రెచ్చిపోయిన పూనమ్‌పాండే.. బికినీలో రంగుల దెబ్బలు
తారక్ కాస్త మొండోడే.. అందుకు ఈ రెండు పరిణామాలే సాక్ష్యం!

Comments

comments

Disclaimer: At times our Title attracts you very much and matter justifies Title unexpectedly in a different way. We suggest you not to feel odd just enjoy how you presume.